فكرة ناجحة

منقول :
مشروع اليوم هو دجاج البلدي ناخدو عليه فكرة بعدا..دجاج البلدي الحالة ديالو من حيت القدرة الجينية و المؤهلات عند النمو ..فصرحة فالمغرب ليس هناك فصيلة نقية في الدجاج البلدي لانه خليط اعتباطي من عدة سلالات عبر عدة سنوات اغلبها مستقدمة من الغرب عن طريق الرحل و المسافرين و المستعمرين .... الخاصية المشتركة الوحيدة هي انه يتميز بمقاومة للامراض و قدرة تحمل و تاقلم عاليين مقارنة بباقي السلالات..ماشي بحال دجاج البلدي ديال فرنسا مثلا بحال label Rouge خدمو سلالات و أهلوها جينيا...نرجعو للمغرب هاد المشروع خدا أهمية كبيرة فالاعوام الأخيرة من طرف الشباب لكثرة الطلب و لان ناس بداو كايوعاو بأهمية المنتجات البيولوجية..ماعلينا نرجعو لموضوع..بالنسبة لدجاج لبلدي هو مشروع دو راسمال صغير و مربح 100% بشهادة لحرايفية طبعا لا كان الانسان مقابل و خدام بمعايير مهنية...نديرو دراسة ديال 500فلوس بلدي... أولا باش تبدا المشروع خصك البنايات ماتخايلش شي حاجة هائلة ...فقط ---غرفة 9متر فين ديماري لكتكوت..بالنسبة لعدد كتاكيت خص تكون كل 50كتكوت فمتر مربع فغرفة ديماراج تكون مجيرة نقية مافيهاش لكورونضير و كاتحتاوي على ميزان حرارة كايدير تقريبا 90درهم ---عشة ديال التربية خص تكون 5دجاجات في المتر مربع ماشي بضرورة تبنيها فقط تقدر تصاوبها بلباريط (الصورة 2) كايسوا 20درهم لوحدة فيها 1.20متر على 1.20 غادير جوج باريطات فلعلو باش توقف مرتاح وسط لعشة وتكون تهوية ضايرة مزيان تقام عليك رخيصة و صحيحة بالنسبة لصقف ختار صقف لي بغيتي اما ميكا وفوقها لقصب أو ديك لميكا مانطا را معروفة عند دجايجية المهم لعشة ترقيبا غاطلع ليك ب1500درهم---المساحة ضرورية فين غاديين يسرحو باش ينقصو عليك تكلفة التربية و كدلك بحكم ان دجاج بلدي يعني كايخرج يقلب على حاجياتو من الفيتامينات من الطبيعة هاد المساحة خصها تكون بمعدل 4متر لدجاجة على أقل تقدير يعني 2000متر حيت حنا ماشي ففرنسا غادي دورها بل فيلي داير اوكازيو 8دراهم لكيلو أو جديد 18درهم لمتر لينيير تقريبا عول على 4500درهم... كاين لي كايخاف من بوعميرة او شي طير ينزل ياكل ليه دجاج طريقة لي نقتارح عليك باش توفر شبكة باش تصقف هاد المسرح هي فكل بودرا أو بوطو غادي تلصق فوق منو طروفة ديال لمرايا باش تعمي طيور المفتسرة من لبعد وغادي دورو بواحد نبتة كاتنتمي لفصيلة ثومة حتى هي كايقولو ليها ثومة ولكن زرعها من برة كل وحدة فنص متر باش ماياكلهاش لان رائحة ديالها كايشمها دجاج كاتعطيه مناعة قوية من امراض لي كاتصيب صدر....دابا وفرتي جميع المتطلبات ندخلو فتسيير ---أول حاجة قبل مادخل لباندا ديالك ختار المصدر الموثوق (من غير سوق حيت غاتمجع امراض دنيا و دين) مصدر موثوق لي غايعطيك سوش مزيانة و بلدية حرة ثمن بين 8 و 10دراهم لكتكوت ديال سيمانة لا زاد عليك درهم و كان مداوي شغلو ماتبخلش بيها...قبل مادخل سلعة قاد لحرارة ديالك فغرفة ديماراج بين 34 و 37درجة من احسن كاين واحد المصباح LED منو ضوء و منو سخانة كايدير شي 150درهم (حيت سخانة ديال غار لا قربات لفتيلة طفا كاتصوط داك لغاز لخر لي فلبوطة و غادي يخنق ليك ديك لبركة هاد لعملية كايخدمو بيها فلفيرمات لكبار لدجاج لاحم كايباتو فايقين رادين لبال الله يحسن لعوان)...فرش ليهم تبن احسن لأن نجارة فيها لغبرة تقدر تخنقهم... كاتعمر لوكالات بديماراج ضروووري لانه فيه مسحوق لحوت غني بلبروتينات و لكن هاد لعلف غير 21يوم باش يديماريو مزيان من بعد غاتكلمو على لعلف طبيعي كاتعمر شرابات بلماء (غادي دير بصلة دكها مزيان و ثومة و ديرها فبوديزة 5لتر و سدها 24ساعة قبل ماتجيب لباندا ديالك) و عمر بيها شرابات باش يكتاسبو مناعة و تقتل لبكتيريا لي فلمعدة غير لمرة الاولى و من بعد مرة فشهر...ملي ضرب عندك 21يوم يبداو يبانو ليك لكاتاكيت بداو ينقزو و يفضفضو ريش بدا تخرجهم برة مع اعطاء وجبة يومية حاول تولفهم وقت محدد فليوم ماشي وقتما رشقات ليك ...هاد الوجبة مكتملة من حيت بروتين و فيتامين و الطاقة و املاح معدنية (خليط كل 100 كيلو فيه ذرة و شعير رويزة حيت رخيصة و خبز كارم مدقوق و بكية ديال ملحة لي كانستهلكو) كايبقا ليك الاختيار في تشكيل الوجبة فقط يجب موازنة الوجبة بين هاد ثلاث مكونات لي دكرت زائد الملحة...غاتبدا تفرق بشكل يومي من الشهر الاول ابتداء من 80غرام للكتكوت و ماكينش حساب محدد قد ماتهليتي كاتنقص مدة تسمين لان في فرنسا غاديين بنظام مضبوط من بعد سنوات من العمل وصلو ل IC=3~4 (Indice deconsommation شنو هو هاد IC هو ان كل 3كيلو علف كاتعطيك 1كيلو لحم ف81 يوم..فالمغرب حسب تجربتي فالميدان فكل 5كيلو علف كايعطيك 1كيلو لحم ف 4أشهر على أقل تقدير و لازالت المراسلات مع بعض المربين في فرنسا لغرض تحسين سلالات عبر زمن و استخلاص سلالة جيدة بمؤهلات جيدة...يعني لا ضربنا لحساب ف 4أشهر فروج 2كيلو غايخصو 10كيلو علف بمعدل 3دراهم لكيلو زائد 1.6درهم دوا المجموع هو 31.6درهم كمصروف لكل فروج لمدة ابتداء من 4أشهر و بمردود بين 1.7 كيلو و 2كيلو ملي كانقول 2كيلو راه وزن أقصى و لمدة أكثر من 4أشهر و دائما عندك واحد هامش ربح لي تقدر تلعب فيه بتوفير مساحة أكبر لسرحة باش تنقص مازال من مصروف الاكل تخلي دجاج يرعى أكثر باش يضبر على راسو أو (كروسة ديال لخضرة ب 50درهم تجمع شياطة ديال سوق توكل ليك سيمانة أو الفصة او توفر نتا شعير ديالك تزرعو درة تزرعها إلخ......)...كاين ناس لي كاتجيهم 5 أشهر كثيرة و مملة باش توصل 500دجاجة لكن نقدرو مانغامروش فالعدد بالزيادة و نخدمو بانضات كل شهر دخل 500 غاتلقا راسك لاكاتخلي ليك لباندة 10000درهم غاتولي مع مرور الوقت كل شهر عندك 10000درهم....
الحاصول هاد الموضوع فيه بزاااف ديال لكلام من حيت طريقة تهجين باش تحسن سلالة ديالك و تضمن منتوج لاحم و بيوض كدلك...و كدلك تخليطة المميزة باش تسمن لفروج بأقل تكلفة...و كيفاش نوفر ظروف الملائمة و نتفادة الامراض...كل هاد الأشياء كاتعلم مع الممارسة و كدلك في البحث و أنا رهن الاشارة في أي معلومة بخصوص هاد المشروع...خليت ليكم راحة و دمت في رعاية الرحمان
أدمين صفحة مجموعة عالم الفلاحة التضامنية القروية