نصائح مهمة في مشروع التربية الدجاج البلدي

السلام عليكم ورحمة الالتاني :كاته :

دواجن سليمان 🐓 🐔 🐤 يقدم لكم

نصائح مهمة في مشروع التربية الدجاج البلدي

✔ الجزء الاول :

تربية الدجاج البلدي لأجل البيض
نكملوا طريقنا بحيت وضحنا مسألة التفقيس وإنتاج الفلوس البلدي دبا وصلنا لموجة أخرى من أمواج بحر الدواجن وبالظبط السلالة المحلية اي البلدي كما يعلم الجميع هاد السلالة هي خليط ميمكنش نقول دجاج بياض او دجاج لاحم بل هو خليط بين البياض واللاحم ،بحيت غلقا دجاجة ممكن تعطي بيضة في نهار ودجاجة كتقرق بسرعة ودجاجة كتسمان ومكتعطيش البيض بمعنى قبل ماندخل لهاد المشروع ديال إنتاج البيض نعرف بلي العام الأول مغنربح حتا درهم وممكن نخسر كاع.
باش نبدأ كين تلات طرق وهي :
1-نبدأ بالفلوس لي فقست بحيت نكمل على داك شي لي شفت في الجزئين السابقين اي تشد داك الفلوس لي فقست منبيعوش ونخليه يكبر وهنا غيخصني نبدل علف ديماراج من بعد 21يوم وندير دوزيام مدة شهر ومن بعد ندخل علف الفنيسيون وكيتقال ليه طروازيام وفي شهر تالت ندير العزلة اي نشد العتوكة نبدأ نعطيها علف البيض في المساء وخلطة طبيعية في صباح هاد الخلطة ممكن تكون شعير ونخالة فازكة بالماء الساخن ممكن يكون شعير بوحدو وضروري نطلق القطيع يسرح ونحسب كل 8دجاجات معاهم فروج والفرارج الآخرين ندير ليهم تسمين بالدرة وعلف التسمين ونبيعهم للكيلو:



















2)-هاد طريقة ديال لي مباغيش يفقس تجيب فلوس عندو 21يوم وتكمل بنفس طريقة الأولى .
3-هاد طريقة ديال لي بغا يختصر طريق وخا فيها شوية ديال المغامرة لأن دجاج مغتكونش عارف المصدر ديالو وهي أنك تجيب العتوكة من بعض المربين الذين أصبحوا يتخصصون في إنتاج العتوكة وخا أغلبها بدون تلقيح او تمشي للسوق وتبقا كل مرة تجيب 5دجاجات وتسد عليهم سيمانة حتا يصفاو وعاد تخرجهم وتبقا غادي درجة درجة أغلب الناس هنا كيكون باغي يبدأ غير بشوية ورأسمال كيكون قليل ولكن رغم ذلك هناك من نجح .
بعد ماعرفنا طرق باش نحصلوا على القطيع في الحلقة القادمة إن شاء الله سنعرف كيف نقوم بعملية العزلة ونجعل من هذا القطيع قطيعا خاص بإنتاج البيض البلدي .





















✔الجزء الثاني :

تربية الدجاج لأجل البيض
قبل الدخول في هذه الحلقة وموضوعها أريد أن أوضح مسألة مهمة قلتها في الحلقة السابقة وهي أن صاحب هاد المشروع ولي كيقول شحال غتبيض ليا دجاجة في العام او في شهر وشحال غندخل ديال رباح او هل دجاجة البلدية  تبيض بيضة في اليوم غير بلما يمحن راسوا ويدخل حتا يغير طريقة تفكير ديالو.
تربية دجاج البلدي لأجل البيض هو مشروع يطور نفسه بنفسه تدريجيا خصوصا لكان دجاج ملقح ومحصن وديما عاطيه المحصنات سواء كانت اصطناعية او طبيعية متل التوم والبصل والحريكة وملح الطعام،والأرباح تبدأ في ارتفاع كلما ارتفع القطيع وكلما تقدم الوقت متلا بديت ب 100وكبرات وقرقات وعطاتنا كل دجاجة10 فلالس را ولات 100×10اي 1000وهاد شي ممكن نوصل ليه في عام لبديت بطريقة 1او2 وممكن نوصل ليه في 3اشهر لبديت بطريقة 3ولكن را طريقة 3فيها مغامرة(انظر الحلقة 3).
دبا وجدنا قطيع البداية وصبرنا عام وأكتر دجاج بقا خاصني العملية الأهم لكي يصبح القطيع خاص بإنتاج البيض وهاد العملية هي العزلة بحيت كنقسم المسرح على 3وكنبدا نعزل كل دجاجة كتعطي بيضة في نهار او يومان في مسرح خاص بالقطيع البياض وكنعزل دجاجة لي كتقرق بسرعة نخليها غير لقرير في حالة لمكانتش عندي فقاسة او بغيت نفقس البيض بشكل طبيعي وما تبقا من دجاج لي كيتعطل في البيض كنديه هو والفروج لي زايد حيت كل 8تال10الانات غيبقا ليهم فروج كنحطوا في مكان تسمين .
بعد القيام بالعزلة يمكن لي نكون حصلت على قطيع بياض كنعطيه شعير ونخالة وعلف البيض بحيت ان كل دجاجة كتاكل من 20حتال 40سنتيم في اليوم وكلما سرحات كلما نقص العلف.
وفي نفس الوقت ممكن نخدم التسمين ديال دجاج الذي لا يبيض او الفروج الزائد ،وكالاضافة دجاجة البلدية تبدأ في البيض من 6اشهر وتستمر فيه مدة سنتين وبعدها يبدأ إنتاجها في تناقص لكن ضروري برنامج ديال العلف يجمع بين علف البيض والاعلاف الطبيعية وضروري 16ساعة ديال الاضاءة بحيت ملي يقصار نهار نكمل بالمصابيح والدجاجة خاصك قبل ماتبيعها تخلي بناتها حيت غيكونوا اصلا عندهم نفس إنتاج الأم ومغاديش تبقا محتاج العزلة لأن الأم البياضة تعطي بنت بياضة والأم اللاحمة تعطي بنت لاحمة.






















✔الجزء الثالث :

امراض الدجاج البلدي وتسمينه
 .
امراض البلدي المعروفة هي 3 واخطرها برونشيت ومن أعراضه أن الدجاج كيبدا يعطس وفيه شخرة والمشي ديالوا كيتغير والماكلة ديالوا تقل باش نحارب هاد المرض خاص مع يبداو الأعراض الأولى نجيد دجاج لي بدا فيه الأعراض ونجيب دوا ديالوا من عند البيطري ونداوي دجاج لي مزال مبدات فيه الأعراض لتعطلت نعول ان المرض سينتشر وسيقضي على القطيع خصوصا الغير الملقح داك شي علاش من الأحسن ندير تلقيحات ديالي.
بالنسبة لموضوع التسمين غيخصنا كوري ديال التسمين ومسرح قدامو وبانضة ديال الفلوس انا نفقصها راسي او نشريها تكون ديال نهار او 21يوم بالنسبة للتمن ديال نهار من 4تال 6دراهم وتمن 21يوم كيوصل ل 13درهم .
1-فلوس نهار:كنجيبوا كنتبع ليه جدول تلقيحات وعلف ديماراج حتا يوصل ل21يوم وندخل دوزيام ديال العلف ومن بعد ممكن ندخل طروازيام او نخلط دوزيام مع الأعلاف الطبيعية فحال درة مهرسة وسيكاليم الغليظ والخبز كارم .
2-فلوس 21يوم :كنجيبوا كندخل علف دوزيام ومن بعد طروازيام ول العلف طبيعي.
بالنسبة للدراسة هي كالآتي :كل فلوس بلدي ديال كياكل كيلو ديماراج وكيلو دوزيام وكيلو طروازيام هنا كيوصل 3اشهر وغنكمل 3اشهر أخرى بالعلف ديال تسمين والعلف طبيعي والسرحة باش نهرس المصاريف ،في حالة شريت الفلوس ب 10دراهم عندو 21يوم را كل فلوس بالأدوية والعلف ومصاريف اخرى كيوصل الاستهلاك ديالو 5دراهم في شهر وانا ممكن نخرجو للسوق عندو 6اشهر حيد شهر الأول لي أنك خديتيه عندو 21يوم بقات 5اي غيستهلك 25درهم زائد 10او 13درهم باش خديتوا بحيت غيوصل ل 35درهم تال 45درهم وهو غيوزن 2كيلوا وتمن الكيلوا كيلعب من 30تال 50درهم.
بالنسبة للعتوكة را لي بانت لي بدأت تبيض بكري ممكن نخليها للبيض باش نغطي بعض مصاريف التسمين.

المرجو الاشتراك في هذا الرابط ليصلكم الجديد،