السلام عليكم ورحمة الله وبركاته :
دواجن سليمان 🐓 🐔 🐤
يقدم لكم
الاعلاف المركبة للدواجن :
بالنسبة للعلف فالجودة ديالو كتمشي على مراحل وجب التعامل مع كل مرحلة بحدر لتوجيهه إلى أعلى معامل تحويل ممكن
خاص نعرفو بلي عملية استيراد العلف تتم عبر بورصة عالمية ووفق دفتر تحملات مدروس بعناية ...
كاين عندنا 3 أنواع ديال مصانع العلف فيما يخص طرق استيراد المواد الأولية
-مصانع لي تابعة لمجموعات ولي كتوفر على شركات استيراد الحبوب متلا..................
-مصانع لي كتستورد المواد الأولية بكميات لي كتغطي بيها واحد المدة من الحاجات ديالها وهنا كيدخل معامل السطوك بقوة خصوصا انه لازم توفر على سيلونات بطاقة استيعابية كبرى 6000 طن متلا أو أكتر
-مصانع لي كتشري المادة الأولية من عند شركات الاستيراد ديال الحبوب وهادو كتكون عندهم تكلفة طالعة بالمقارنة وغالبا جودة أقل بحكم البحث عن التمن ولو على حساب الجودة
اول كونترول ديال الجودة كيكون في المرسى من طرف الاونسا ومن طرف المصنع لي كياخد عينة وكيديها للمختبر ديالو للتأكد من المواصفات
هنا كتبدا عملية نقل الحبوب من الميناء في اتجاه المصنع ..العملية لي متبوعة هي الأخرى بكونترول ديال الجودة قبل إفراغ الشحنة
هنا كتبدا مرحلة السطوكاج في سيلونات دات سعة كبرى ..ولي خاص يكونو مجهزين بتقنيات تهوية و بكونترول ديال الحرارة ديال المواد
من بعد كتجي عملية الطحن البرواياج تم الخلط الميلانج حسب التركيبة...التركيبة لي الأكيد خاص نحتارمو فيها عدة أبعاد للحصول على علف متكامل
كاين واحد الكونترول كيجي بعد عملية الخلط باخد عينة وارسالها للمختبر
أدن كيف قلنا بعد كونترول الخلط يلا كان ديماراج كيمشي نيشان للصاك أو الفراك
يلا كان كرانيلي أو كرواسانس كتجي عملية التبخير قبل إدخاله للبريسة وهنا كاين مشكل حيت عملية التبخير كتدخل فيها الرطوبة تم بعد دلك كيدخل لواحد الروفرواديسور متحرك لتبريده وتقسيمه ...هنا كنتكلمو على التسيير العقلاني لمراحل صناعة العلف حيت لازم نتبعو واحد البروتوكول مضبوط لي ما كيسمحش لبقايا العلف القديم بالاختلاط مع الجديد
هنا المهمة ديال المصنع سالات وتجي مرحلة أخرى للحفاظ على جودة العلف المفترضة ...مرحلة نقل العلف إلى الفيرمة ...بالنسبة للصاك فالمصنع كيعطيك معلومات على مواد التركيبة والنسبة ديال كل واحد وكذلك كيعطيك ظروف النقل والسطوكاج لي خاص تحترم رطوبة وحرارة معينة
عملية النقل خاص نحتارمو فيها معايير السلامة الصحية ..شاحنة مغسولة ومطهرة و كتاخد وجهة واحدة ...ماشي نجيب كاميو نقسمو على الفيرمات متلا
العلف دابا في الفيرمة وهنا كيبدا الدور ديال المنتج في التخزين والتوزيع والتحويل
بالنسبة للصاك ...واجب علينا نوضعو الخناشي بعاد على الحرارة والرطوبة على شكل صفوف كتسمح بمرور الهواء فيها وفي معزل عن الأرض أحد مصادر الرطوبة والبرودة
كلما كان العلف معزول على الحرارة والرطوبة كلما استمرات الجودة ديالو بالنسبة للناس لي عندهم السيلو خاص يكون مغسول جيدا وخاص يخضع لنظام تهوية يدوي عبر فتح الغلاقة في النهار واغلاقها ليلا مع الأخذ بعين الاعتبار الفراخ والطيور لي خاص توضع ليهم شبكة على العلاقة باش ما يقسوش العلف
غادي نجيو لمرحلة التوزيع وهادي مهمة بزاف وغادي نحاول نتكلم عليها من بعد وناخد الوقت ديالي فيها
بالنسبة للعلف ديال الصاك واجب علينا نديرو تدابير لمحاربة القوارض حيت كيجيو منهم مشاكل كتيرة
نصيحة لجميع المنتجين ...يجب عزل كمية من الدجاج وتحويلها إلى شاهد ....نعطيها العلف قبل البقية نعطيها الدواء قبل البقية ونتعامل معها قبل ما نعمم الحالة
متلا يلا جا شي علف جديد قبل ما يسالي القديم نعطيه لهاديك العينة ونشوف الرياكسيون ديالها قبل تعميمه
منقول
ليست هناك تعليقات:
إرسال تعليق