السلام عليكم ورحمة الله وبركاته :
موضوع ارتفاع درجة الحرارة :
دواجن سليمان 🐓 🐔 🐤
جميع سلالات:
بغيت نتكلم معكم على موضوع عندو علاقة بارتفاع درجة الحرارة لي كتعرفها بلادنا او الاحتياطات الواجب اتخادها باش ميموتش لينا الدجاج ديالنا. من المهم نعرفو ان موجة الحر في بداية موسم الصيف تعتبر من اخطر فترات الحر لي كتتعرض لها الطيور حيت مكتكونش ولفات على الحرارة او مكيفاتش الاستهلاك ديالها للمياه او العلف فهاد الفترة.
كيفاش نعرفو واش الدجاج ديالنا مأتر بالحر ؟
الفم كيكون مفتوح او كيتنفس بوتيرة سريعة او بعض الاحيان كيحل جناحو. الحرارة ممكن تصيب الدجاج باعاقة او صعوبة فالمشي لو الوقوف
هناك احتياطات يجب الاتخاد ديالها ملي الحرارة كتعدا 35 درجة او لي من بينها :
*كتافة الطيور مخصهاش تعدا 8-10 طائر فالمتر المربع
*زيادة المشارب المستعملة بنسبة 20% لمواجهة اقبال الطيور على الشرب اتناء الحر
*عدم وضع الماء فمكان معرض لاشعة الشمس مما يؤدي للسخونة ديالو
*التاكد من خلو الشرابات من الاوساخ لي تأتر على الطعم ديالو او تسبب تكاتر بكتيري
*ينصح استعمال فيتامين س لي كيخفف من التوتر ديال الدجاج
*الفرشة دائما تكون جافة او جديدة او منقلبوهاش مطلقا اتناء فترة الحر
*نحبسو الاكل على الدجاج او نعطيوه فقط في الصباح الباكر والمساء
*نقدمو علف متوازن او دو جودة عالية
*نكترو من الاماكن لي فيها الظل الى كان الدجاج كيسرح او نحطو فيها الماء باش يكون فالمتناول ديالهم
*نستعملو رشاشات بخاخ الماء مع الفرفارات وسط الكوري لخفض الحرارة مع التاكد من وجود تيار هوائي على علو متر او مترين
*ينصح رش الماء فالمكان لي كيضلل فيه الدجاج او لي كياخد فيها الحمام الترابي ديالو
كنتمنا نكون فدتكم او مرحبا باي اضافات
وشكرا لجميع متابعين دواجن سليمان 🐓 🐔
ليست هناك تعليقات:
إرسال تعليق