اجي تفهم

السلام عليكم ورحمة الله وبركاته :

Dawajinsliman :

يقدم لكم الجديد :

مشروع تسمين العجول الجزء الاول :

تسمين العجول :

تحية فلاحية :

كيف سبق ونشرت على تسمين العجول الطريقة الساهلة والبسيطة وبقات الرخيصة اليوم انشاء الله غاد نشرح ليكم كيفاش اجيني العلف او التسمين رخيص ....
هنا باش افهم الجميع غاد نشرح ليكم على العجول الاكتر من ستة اشهر يعني الوزن كيفوق 250 كيلو . المهم باش تكون ناجح فهاد المشروع خصاك تكون موجد ليه كيفاش؟ الاكل باش اطلع عليك رخيص اما فلحو فبلادك هادي حاجة مهمة يعني التغدية المهمة فالتسمين كتفلحها كطلع عليك رخيصة من تبن وشعير ودرة و فول و فصة هادو هما  المواد الاساسية فالتسمين الى وجدتيهم كاملين و حطيتيهم او خزنتيهم كتعرف تقريبا بشحال طلعو عليك وفالاغلب كيطلعو رخص من شرا وبزاف وعاد لحاجة لديالك ماشي بحال الى شريتيها ادن ملي كتفلح كيطلع عليك العلف رخيص وبزاف على شرايا هدي حاجة باينة ......
ناس لبغات تشري من الاحسن تشري فالصيف حيت كلشي كايكون موجود شرية مباشرة من عند الفلاح ومن الاحسن الفلاح كتعرف شري تبن فول بال بشتى اصنافه هاد الفترة ديال صيف كيكون كلشي موجود وبوفرة وتايكون رخيص حيت كلشي عارف ضروف ديال الفلاح خصوصا صغير كتلقاه عامر قروض كيوصل الصيف كيبيع باش مجاب الله غير افك ديون لعليه حاجة خرى سير لقهاوي لفيهم سمسارة كيكونو عارفين الفلاحة لمحزوزين بغاو غير افكو باش مجاب الله ادن شري وخزن ودرب حسابك ضروري من المدكرة لدخلتيها قيضها باش تعرف اش كدير نعطيكم متال الشمندر او البيب فيامات لوزين ملي كان خدام لبيب كان كيوصل حتى لدار بتستافو 46 ريال دابا جملة داير 51 وتقسيط 55 شوف لفرق هدا غير متال عطيتو ليكم باش تفهمو شوف شحال ناقص عليك وهادشي كامل كيطبق حتى على المواد لخرى ...الاخوان الى كتفكر تسمن شري لعلف هو لول وجدو عاد تشوف دخل لعجول ....كنضن الفكرة واضحة لمهم بالاختصار وجد تبن فول فصة شمندر لونسيلاج وبال تبن كتبق ليك نخالة كتبق تشري مرة مرة على حساب الحاجة زيد حاجة مهمة لملحة ضرورية ديال الحجرة والمطحونة الملحة الحية كاين ناس لكتعلف الدقيق عوض النخالة حتى هما اشريو مرة مرة .....
عملية تسمين كيفاش ؟؟؟؟
كيقول لمتل ( رباح فشرايا ماشي فلبيع )
لخوت شري وعرف تشري هدا موضوع خاصو منشور بوحدو لمهم التغدية الاخوان دير تخليطة اكون فيها تبن اونسيلاج شمندر نخالة ولملحة غاد تبدا شوية بشوية يعني لعبار ملي تشري لعجول غاد داويهم اولا دوا ضد الرية و بوصفير بحال ليوم غدا اعطيهم evomec هادي مهمة ولحاجة الاهم ملي تشري لعجول تلات ايام لولى عطيهم غير لبال تبن وشوية ديال لبال فصة حتى اولفو المكان و يشد فيهم داك دوي ويعطي لمفعول عاد نهار رابع بدا تخلط ليهم قلت تخليطة تكون بلعبار وكل سيمانة زيد شوية نتا غاد ترد لبال شحال كياكل لعجل لمهم حيت كل عجل وكيفاش كيكون كاين لكيبدا منهارو مكاين غير سرط وهادو لكيطلعو بزربة وكاين لكل نهار كيبدا ازيد لمهم رد  معاهم لبال مزيان واش كيشيط عليه ولا كيخصو وكتبدا غادي معاهم كل سيمانة كتزيد شوية فاش كتزيد زيد نخالة وشمندر ولونسيلاج تبن خلي نفس الكمية زيد من ورا تخليطة لما ديما اكون حداهم نقي وموجود ملي اياكلو تخليطة عطيهم شوية ديال تبن لفصة دوز سيمانة لولى غاد تبدا تسبق ليه لفول مرطب وهدا منشور سبق نشرتو على لفول رجعو قراوه ادن لفول زيد تخليطة وشوية ديال لبال فصة حاجة مهمة الاكل اكون عندو وقت محدد باش متخربقش عملية الاجترار عندو يعني حافض على لوقت ماشي  وقت معجبك لوح ليهم لا تم لا...
لبال ديال تبن حتى ليل واعطيه طريف لكلاه كلاه لبقا فرشو ليه فصباح ملي تنكس .....كيف سبق وقلت متنساوش لملحة شوية مع تخليطة ولحجرة تكون حداه راه ضرورية ومهمة دوز شهرين عاود زيدو دوا افوميك وكاين لكيزيد فيتامينات لكن من الاحسن الانسان اتفدا داكشي ويبقا ضميرو هاني .
ادن هكدا غاد اطلع عليك التسمين رخيص ملي كتوجد كلشي فصيف عوض تبق تشري كل مرة غاد تمرض حاجة خرى من شهر لول بدا تقلب شاكلا و شوف ضهر ديالو ورد لبال لشعر ديالو واش بدا كيتنقا وكيبدا ايتساقط راه غير من شوفة ابانو ليك واش كيتزادو حاجة خرى لمكيتزادش متحنش فيه ردو لسوق وجيب واحد اخر ...الله اسخر الجميع

Dawajinsliman